राज्यस्तरीय नवोपक्रम स्पर्धा सन 2022 - 23 अहवाल लेखन कसे करावे

 राज्यस्तरीय नवोपक्रम स्पर्धा सन 2022 - 23 अहवाल लेखन कसे करावे  

सर्व अधिकारी, शिक्षक, अंगणवाडी सेविका व पर्यवेक्षिका यांनी आपल्या गटानुसार https://scertmaha.ac.in/innovation/ या लिंकवर दि.०२/११/२०२२ ते दि.२०/११/२०२२ या कालावधीत आपले नवोपक्रम अहवाल सादर करावेत.

महत्वाची सूचना- नवोपक्रम लिंक भरण्यापूर्वी आपण पुढील तयारी केली आहे काय ?

१. नवोपक्रम अहवालाची pdf फाईल

२. नवोपक्रम अहवालाची Word फाईल

३. प्रमाणपत्र व प्रतिज्ञापत्र Pdf फाईल

४. स्पर्धकांचा स्वतःचा पासपोर्ट आकाराचा फोटो

५. आवश्यकतेनुसार आपल्या व्हिडिओची Youtube लिंक - हे पूर्णतः तयार करूनच आपण लिंक भरायला सुरुवात करावी

नवोपक्रम online सादर करण्यासाठी CLICK HERE ला क्लिक करा 

    मित्रहो, संपूर्ण जगभर उद्भवलेल्या कोविड-१९ या महामारीच्या काळातही सर्व मुलांचे शिक्षण सुरु राहावे यासाठी सर्वत्र प्रयत्न होत आहेत याचबरोबर राज्यातील नवोपक्रमशील शिक्षक व अधिकारी विद्यार्थ्यांच्या अध्ययनात खंड पडू नये यासाठी नवनवीन उपक्रम तसेच कल्पनांचा वापर करत आहेत तसेच प्रत्येक मूल प्रगत होण्यासाठी शिक्षक व अधिकारी प्रयत्न करीत आहेत. त्यांनी राबविलेल्या नाविन्यपूर्ण उपक्रमाची माहिती राज्यातील शिक्षण क्षेत्रातील सर्व घटकांना व्हावी तसेच सर्वच स्तरातील शिक्षक व अधिकारी यांच्या नवोपक्रमशीलतेला व सृजनशीलतेला प्रोत्साहन देण्यासाठी राज्य शैक्षणिक संशोधन व प्रशिक्षण परिषद, महाराष्ट्र, पुणे मार्फत सन २०२१-२२ या वर्षासाठी राज्यस्तरीय नवोपक्रम स्पर्धा आयोजित करण्यात येत आहे ही स्पर्धा ऑनलाईन पद्धतीने आयोजित करण्यात येत आहे. सृजनात्मक कार्याची आवड असणाऱ्या नवोपक्रमशील शिक्षक व अधिकाऱ्यांनी या स्पर्धेत भाग घ्यावा असे आवाहन करण्यात येत आहे

नवोपक्रम अहवाल लेखन मुद्दे-

नवोपक्रम अहवाल लेखन पुढील मुद्यांच्या आधारे करावे

१-नवोपक्रमाचे शीर्षक - उपक्रमाचे नेमके नाव लिहावे

२-नवोपक्रमाची गरज व महत्त्व - उपक्रम निवडण्याचे कारण, उपक्रमाचे वेगळेपण, उपयुक्तता चा तपशील

३-नवोपक्रमाची उद्दिष्टे - हा उपक्रम मी का करतो आहे, उपक्रमाचा फायदा कोणाला? कसा,कोणत्या स्वरुपात, कोणत्या कृतीमुळे होणार? या उपक्रमातून काय व कोणासाठी साध्य होणार,याबाबत ३ ते ५ विधानात्मक उद्दिष्टे मांडावीत

४-नवोपक्रमाचे नियोजन -

i-उपक्रमपूर्व स्थितीचे निरीक्षण

ii- संबंधित व्यक्तींशी, तज्ज्ञांशी चर्चा

iii- आवश्यक साधनांचा विचार

iv- करावयाच्या कृतींचा क्रम

v- उपक्रमोत्तर स्थितीचे निरीक्षण

vi- कार्यवाहीचे टप्पे- वेळापत्रक

vi-उपक्रमासाठी इतरांची मदत

viii- उपक्रमासाठी सादर करावयाचे पुरावे

५-नवोपक्रमाची कार्यपद्धती -

I- पूर्वस्थितीची निरीक्षणे व त्यांच्या नोंदी

II- कार्यवाहीदरम्यान निरीक्षणे व माहिती संकलन

III- उपक्रम पूर्ण झाल्यावर निरीक्षणे व त्यांच्या नोंदी

IV- कार्यवाहीत आलेल्या अडचणी

V- माहितीचे विश्लेषण : आलेख, तक्ते -आवश्यक वाटल्यास

६-नवोपक्रमाची यशस्विता / फलनिष्पत्ती –उद्दिष्टानुसार- या उपक्रमातून कोणासाठी व काय सध्या झाले, याबाबतची मांडणी यात करावी उद्दिष्टनिहाय फलश्रुती लिहावी आवश्यकता वाटल्यास त्याकरिता शेकडेवारी व आलेखाचा वापर करता येईल अन्यथा वर्णनात्मक विधाने करावी त्याचप्रमाणे आपण उपक्रमांतर्गत केलेल्या विविध कृतींची फलश्रुती मांडावी

७-समारोप - आपली अस्वस्थता उपक्रमानंतर कशी दूर झाली व उपक्रमाचा उपयोग गुणवत्ता वाढीकरिता कसा झाला, हे विशद करावे

८-संदर्भसूची व परिशिष्टे - नवोपक्रम करताना ज्या संदर्भग्रंथांचा वापर केला, त्यांची सूची द्यावी तसेच सहभागी वर्गातील विद्यार्थी व आवश्यकता असल्यास त्यांच्यासाठी तयार केलेली पूर्वचाचणी, उत्तर चाचणी, प्रश्नावली इत्यादी जे असेल ते परिशिष्टामध्ये जोडावे

नवोपक्रमाच्या संपूर्ण माहितीचे PDF डाऊनलोड करण्यासाठी येथे क्लिक करा

प्रतिज्ञापत्र व प्रमाणपत्र

नवोपक्रमाचे माहिती पत्रक सन 2022 - 23 

नवोपक्रम online सादर करण्यासाठी CLICK HERE ला क्लिक करा 

नवोपक्रमाच्या संपूर्ण माहितीचे PDF डाऊनलोड करण्यासाठी येथे क्लिक करा

सन २०२१-22 चे बक्षीस मिळालेले नवोपक्रम click here